الجوري ايليت

اجواء المكان حلوه والموظفين بشوشين وخدومين رغم الزحمه السعر ١٧٠ للشخص مناسب لاطباق السيت منيو والبوفيه الاكل لذييذ والحلويات الذ يستاهل اكرر الزياره 👍🏻

مطعم فخم على طراز فرنسي حديث يقع ضمن حديقة أبو خيال، الاكل نظام بوفية رمضاني ويقدم قبله تشكيلة منوعه من المقبلات والمعجنات والمشويات والقهوة والحلويات ، أنصح بزيارته لجمال الإطلالات المتعددة ، والخدمة المميزة من فريق العمل بدءً بإلاستقبال وإنتهاءً بالمشرف العام والاخوات المساعدات ، أما السعر فهو مناسب ، ولذا يحتاج الحضور مبكر لضمان وجود مكان رغم المساحات الكبيرة والمتعددة بالداخل والخارج وفوق الروف ، أنصح بزيارته وخاصة لجودة الطعام وتعدد الاصناف ،

الافطار الرمضاني جمييل ولذذيذ والله الاكل ويفتح النفس. طعم ونظافه و تقديم الخدمه ١٠٠ .. كل شي متوفر ص .. والاجواء العامه رااايقه اعيد الزياره له مره واثنين … طبعا انا من زواره دائما .. وهذي المره جربنا بوفيه رمضاني

المكان جميل، الخدمة جيدة مع التآخير البسيط، كانت التجربة الاولى ولكن بشكل عام الاكل جيد شوربة يقطين 9/10 متبل باذنجان 9/10 صفيحة لحم 7/10 ورق عنب بالحم 8/10 كباب كرز 7/10 الموقع جميل مع الإطلالة يستحق التجربة

الاكل لذيذ بس يحتاج بعض التعديلات فتة الكباب بالكرز لذيذه بس كمية الخبز المحمص قليييله المسقعه ماعجبتنا الفتوش لذيذ و فرش متبل الشمندر لذيذ حبيناه الكبه كانت اقل من عاديه توقعت انها افضل احلى شي المكان و الاجواء تجنن مع ثيم الخريف و نوڤمبر و الخدمه روعه كل الموظفين خدومين و حريصين ع الجوده خاصة حمد القحطاني خلوق و لبق و خدمته رائعه و بدرية العسيري ماقصرت كل شوي تسال اذا فيه ملاحظات او شي ماعجبنا ، تعاملها راقيه و لبق يعطيها الف عافيه

مكان مميز ويستحق الزيارة الاكل لذيذ والخدمة جيدة والمكان من اجمل الاماكن رغم ان المدخل غريب ليس مباشر كبة اللبن ١٠ /١٠ كباب كرز ٨ \ ١٠ وشيش طاووق ١٠ / ١٠ وربيان مقلي ١٠ / ١٠ وكل طبق من اللحوم معه بطاط ويدجز وصوص مختلف واحد حمص والثاني ثوم والثالث ما ادري ما ركزت عليه الاسعار والكميات مناسبة جداً مو مثل بعض التعليقات احنا ٤ اشخاص اكلنا والباقي اخذناه معنا

الأكل أنصح فيه كباب بالكرز جرّبوه لذيذ جداً يجي معاه ودجز يممي مع الصوص ، الحمص فتوش رهيب كان الرز بالشعيرة طعم لكن حسيت الكمية قليلة ، الموظفين لطيفين وسريعين ف الخدمة وجدا بشوشين ، يعطكم العافية أعيد زيارتي

طلبنا الشيش طاوك كان لذيذ ومعاه بطاطس ويدجز لذيذه المقبلات حمص وفتوش ممتازين لكن فتة شاورما دجاج مرره ما انصح فيها مع مشروبين غازي الحساب ٢١٨ السعر يعتبر مرتفع على الطلبات

المكان جميل جدًا وكبير ومتنوع في الجلسات والاطلالات طلبنا كرسبي تشكن ٩/١٠ كباب كرز كان عباره عن وجبة متكامله يجي معها فرايز و حمص الصوص كان قليل طلبت منهم زياده لذيذ ١٠/١٠ حمص بيروتي ٨/١٠ سلطة بطاطس ١٠/١٠

زرت مطعم على بالي، جدا جميييل والديكور و الاطلالة والأجواء العامة راااائعة، لكن انصح بزيارته اما إفطار او قهوة فقط للاستمتاع بجمال المكان، لكن الغذاء عادي جدا والطعم اقل من المستوى مُقارنة بالأسعار.

اولا اكثر حاجتين لفتتني سرعة تقديم الأكل وتنظيف الطاولات و طاقم العمل ككل حتى الموظفات السعوديات يهبلون متعاونات جدا . تجربتي كانت فطور ما شاء الله رحته ع ٩ وكل الجلسات المطله محجوزه بس حتى الجلسات الخارجيه بالحديقه حلوه وتهبل والجو اليوم كان يساعد . بصراحه المكان الديكور والاطلاله والجو خلت تجربة الفطور بالنسبه لي ساحره . جربنا كعك جبن عباره عن سميت بالجبن لذيذ ١٠/١٠ وبيض بالسجق( مع اني ما احب السجق) بس لمن جربته يجنن طعمه يجي معه خبز ابيض حار ١٠/١٠ طلبنا شاي برادي صراحه صغير ي دوب كفى نفرين واظن الكميه محسوبه لشخص واحد المكان يستحق التجربه ما عندي ملاحظه ع الاسعار معقوله الى نوعا ما مقارنة ب اطلالة وخدمه يعيب المكان مافي مسار لعربيات الاطفال وكبار السن واصحاب الهمم وارجوا ترتيب بعض الجلسات وتوفير المكان المناسب لهم .

مطعم على بالي يفوز على مطاعم كثيره بالمنطقه من ناحية الأكل اللذيذ جداً والمكان الرائع والخدمه السريعة وأجواء المكان المريحة ⭐️ من طلباتنا : مشاوي مشكله تقديم جميل وطعم لذيذ 💯 الفتوش من ألذ المطاعم اللي يضبطونه ✔️ التبوله والمتبل والحمص 👍🏻 منقوشة الجبن لذيذه شكراً لكل القائمين على المكان